Танцот на кадетите

На 18 јуни 2018 година на големата сцена на Македонската опера и балет се одржа премиетата на белетот „Танцот на кадетите”. Темата која ја обработува овој балет е многу блиска до младите и затоа целата подготовка беше забавна како за тимот на BBS , така и за за учесниците.
Премиерата на овој балет наиде на позитивни реакции од страна на публиката, како и на позитивни рецензии и критики од страна на реномирани балетски критичари и педагози. 

Танцот на кадетите е балет во еден чин, во кореографија на Дејвид Лишин, прв пат поставен на 1 март 1940 година во Театар Ројал во Сиднеј, Австралија.  Дејствието се одвива во женско училиште во Австрија околу 1840-тата година и ја раскажува приказната за матурскиот бал во училиштето, каде преку танц и комични ситуации се пренесува приказната за првата средба помеѓу младите девојки и кадетите, како и првата романса помеѓу главните ликови во балетската претстава.

Синопсис

Матурскиот бал во женското училиште треба да започне, на кој се поканети и кадетите од блиската воена академија, за заедно да го прослават матурирањето на сениорките. На почетокот девојките се подготвуваат и разубавуваат, додека директорката ги набљудува. Потоа пристигнуваат кадетите предводени од нивниот генерал. Започнуваат симпатичните и разни подметнувања на похрабрите кон посрамежливите кадети кои немаат храброст да ги поканат матурантките да танцуваат на почетокот на танцувањето. Додека матурскиот бал се одвива, Генералот и се додворува на директорката, а девојките им приредуваат на кадетите серија на танци во разни форми, вклучувајќи и танц на Вилата низ која е прикажан сонот на младите.  Една од матурантките и најхрабриот кадет започнуваат да танцуваат.

По серијата на танци, Генералот и директорката ги испраќаат девојките и кадетите на вечера. Откако балот завршува, матурантката со кики репчиња и еден од помладите кадети се искраднуваат од групата за повторно да се сретнат. Но нивните романтични планови се расипани од Генералот и директорката, кои исто така имаат договор да се сретнат по заминувањето на девојките и кадетите. Откако двата пара изненадно се сретнуваат и судираат во салонот, директорката ја испраќа матурантката, а Генералот го „подбира“ кадетот.

Александра Никифоровски

Александра Никифоровски има долгогодишно искуство како балетски педагог и кореограф. Нејзиното кореографско портфолио ги вклучува: „И жената знае да вози“, „Аметист“, „Тесеракт“, „Моите песни, моите соништа“, „Ени“, „Тарантела“, „Лебедово езеро“, „Сон на летната ноќ“.

Дејвид Лишин

Дејвид Лишин е американски артист, балет-мајстор и педагог. Се школувал кај Л.Н. Егорова, Б.Ф. Нижинска, Танцувал во трупата на И. Л. Рубинштејн и трупата на А.П. Павлова и бил солист во Балет Рус од Монте Карло, како и во американскиот Балет Театар. Во 1953 имал своја трупа во Лос Анџелес. Играл во балетите на Џ. Баланшин, Л.Ф. Мјасина и така натаму. Во 1933 дебитира како балет-мајстор во поставките Франческа да Римини, Блуден син, Матурски бал (Танц на кадетите).